Ein møtestad for sosiale og kulturelle aktivitetar
Karneval
Kvart år i februar møtast små sjørøvarar og spøkelser på huset vårt for å ha det kjekt i lag. Her blir det disko, leik og kiosk. Ein symbolsk sum blir krevd ved påmelding for å sjå interessa for arrangementet.
Arrangementet er for gruppa 3-7 år.
17. mai feiring
Dimna Grendahus arrangerar ei tradisjonell feiring med brennsnut, kaker og kaffi inne, og med leikar for små ute på skuleplassen. Matsal og leikar startar etter at toget på Hasund er ferdig. Dette blir arrangert av forskjellige komitear i grenda. Sjå oversikt over komitéar under.
Arrangementet er for alle.
Jonsokfeiring
Tradisjonen for Jonsokfeiring er sterk på Dimna. 7-klassingar og foreldre har ansvar for bålet. Styret sel rjomegraut og kaker inne i salen. Ute vert grillane tende og klare til bruk for den som vil ha grillmat. Borna kler seg ut, og det vert premiert for beste kostyme.
Arrangementet er for alle.
Korr-i-kål
Ein søndag i løpet av oktober kokar vi fårikål (styret). Dette er ein fin sjans til å få ein rimeleg middag og få snakke om dette og hint med naboar. Her er vi åpne for take away, og pølse med brød blir også tilbode for dei som det vil ha.
Arrangementet er for alle.
Halloween
Bøøø! Skumle saker foregår på grendahuset i slutten av oktober. Då kan små og litt mindre små personar møte opp til ei “skremande” oppleving.
Arrangementet er for 3-7 år.
Eldrefest
Folk med tilknytning til Dimna, og som er over 65 år, er kvart år hjarteleg velkomne til Eldrefest i november. Dette er eit julebord med tradisjonell julemiddag, dessertar, lett underhaldning og mykje mimring rundt borda. Dette blir arrangert av styret.
Arrangementet er for 65+.
Juletrefest
I romjula samlast vi til god, gammaldags juletrefest. Her er det litt underhaldning, kaker og kaffi, og gong rundt juletreet. Nesten som ein romjulsdraum. Arrangerast av årets komité.
Arrangementet er for alle.
Romjulsquiz
Årvisst arrangerast romjulquizen av same komité som held juletrefesten. Quizen trekk fullt hus kvart einaste år. Her er det gode spørsmål og god stemning for alle og ein kvar. Max 24 bord á 6 personar er normalen. Følg med på heimesida og/eller Facebook for informasjon.
Arrangementet er for 18+.